طريقة زراعة النعناع بسهولة في المنزل: خطوات ونصائح مهمة
النهاردة هنتكلم عن النعناع، نبات رائع وسهل زراعته، ومش بيحتاج مجهود كبير. أهم حاجة تكون مكان الزراعة فيه شمس قوية، زي البلكونة مثلاً، لأن النعناع بيحب أشعة الشمس المباشرة.
خطوة أولى: تجهيز النعناع للزراعة
بنبدأ بشراء حزمة نعناع كبيرة ويفضل تكون عيدانها سميكة. بنغسل الحزمة كويس، وبنشيل الأوراق التالفة أو البايظة. الأوراق السليمة بنجففها لاستخدامها في المطبخ.
طرق زراعة النعناع:
في أربع طرق مختلفة تقدر تزرع بيها النعناع:
بالبذور: في شهري فبراير أو أغسطس، لكن الطريقة دي بتاخد وقت أطول.
بالفروع: ودي ليها ثلاث طرق فرعية:
نزرع عيدان النعناع مباشرة في التربة بدون تجدير.
نشيل كل الأوراق ما عدا أربع ورقات في قمة العيدان، ونحطها في برطمان مية في البلكونة (مش جوه البيت).
نشيل كل الأوراق ما عدا القمة، وننقع العيدان في طبق مليان ماء بشكل أفقي.
أنا بنصح باستخدام الطريقتين الأخيرتين. العيدان هتفضل في الماء لغاية ما تظهر لها جذور خلال أسبوع إلى أسبوعين، ونغير الماء كل يومين. بعد كده نزرعها في التربة.
زراعه عيدان النعناع في المنزل
نصائح مهمة للزراعة الناجحة:
لازم الجذور تكون متشعبة وقوية عشان النبات ينجح وينمو بسرعة.
التربة الأفضل تكون رملية أكثر من الطمي، لأنها بتساعد على تشعب الجذور وصحة النبات.
ازرع العيدان بشكل أفقي في التربة، لأن الزراعة الرأسية بتقلل من فرصة التكاثر.
اسقي النبات كويس أول مرة بعد الزراعة، وحطه في الشمس. ويفضل استخدام أصيص كبير أو طبق عميق عشان النعناع يكتر بسرعة.
كل ما تقطع من النعناع، هينمو من جديد ويزيد بشكل أفضل.
إن شاء الله هشارك معاكم مراحل نمو الجذور وزراعة النعناع في المرات الجاية.
